Францускиот претседател Емануел Макрон денеска го пречека американскиот претседател Џозеф Бајден на церемонијата на Триумфалната капија во Париз, а двајцата лидери ќе разговараат за Украина, Појасот Газа и глобалните безбедносни прашања, како што е зајакнувањето на НАТО.

Макрон и Бајден положија голем венец на споменикот на непознатиот војник под Триумфалната капија, објави Гардијан.

Двајцата лидери ќе имаат официјални разговори и ќе имаат работен ручек пред државниот банкет за американскиот претседател и прва дама на САД Џил Бајден во Елисејската палата закажан за вечерва.

Во четвртокот Макрон и Бајден присуствуваа на комеморацијата на 80-годишнината од истоварувањето на сојузниците во Нормандија.

Бајден пристигна во Франција во средата, а во четвртокот одржа говор по повод 80-годишнината од Денот Д, односно слетувањето на сојузниците во Нормандија во 1944 година.